प्रेस मीडिया लाईव्ह :
. रेशन कार्ड वापरणाऱ्या प्रत्येक व्यक्तीला ई-केवायसी प्रक्रिया पूर्ण करावी लागेल. ई-केवायसीची अंतिम तारीख 30 एप्रिलपर्यंत वाढवण्यात आली आहे.याआधी, शेवटची तारीख 31 मार्च होती. जर तुम्ही या मुदतीत ई-केवायसी पूर्ण केली नाही, तर तुमचे नाव रेशनकार्डवरून काढले जाईल. तुम्ही घरबसल्या ई-केवायसी करू शकता. यासाठी ऑनलाईन प्रक्रिया कशी करायची, ते पुढीलप्रमाणे पाहूया.
सरकारने आतापर्यंत 6 वेळा मुदत वाढवली आहे. पण यावेळी हे म्हटलं जात आहे की ही तारीख वाढवण्याची शेवटची वेळ आहे. अन्न आणि पुरवठा मंत्रालयाने सर्व राज्यांना पत्र लिहून सांगितले आहे की, ई-केवायसी प्रक्रिया या नवीन तारीखपर्यंत पूर्ण करावी. ई-केवायसी कोणत्याही परिस्थितीत 30 एप्रिलपर्यंत पूर्ण करावी लागेल. ई-केवायसीसाठी, लाभार्थी पीडीएस दुकानात जाऊन ई-पीओएस मशीनच्या मदतीने प्रक्रिया पूर्ण करू शकतात.
केवायसी का आवश्यक आहे..?
मीडिया रिपोर्ट्सनुसार, सुमारे 23.5% रेशनकार्डची पडताळणी अजूनही प्रलंबित आहे. केवायसी म्हणजे "Know Your Customer" (आपल्या ग्राहकाला ओळखा). यामध्ये तुमची ओळख सत्यापित केली जाते. बनावट रेशनकार्ड असलेल्या व्यक्तींना प्रणालीमधून काढून टाकण्यासाठी केवायसी करणे आवश्यक आहे. अनेक जण जे पात्र नाहीत, ते रेशनकार्डच्या फायद्याचा वापर करत असल्याचे आढळून आले आहे. यासाठी या प्रक्रियेचे नियोजन करण्यात आले आहे.
घरबसल्या ई-केवायसी कसे करावे?
सर्वप्रथम तुमच्या राज्यातील सार्वजनिक वितरण व्यवस्थेच्या वेबसाइटवर जा.
तिथे 'e-KYC for Ration Card' या लिंकवर क्लिक करा.
त्यानंतर रेशनकार्ड क्रमांक आणि आधार क्रमांक टाका.
कुटुंबप्रमुखाचा आधार क्रमांक एंटर करा.
त्यानंतर मोबाईल नंबरवर एक ओटीपी येईल, तो ओटीपी भरून सर्व माहिती भरून सबमिट करा.