प्रेस मीडिया लाईव्ह :
मुरलीधर कांबळे :
कोल्हापूर -पन्हाळा तालुक्यातील एका तरुणाने पोलिस भरती न झाल्याच्या नैराश्येतून तरुणाने विष प्राशन केल्याची घटना रंकाळा तलावाच्या परिसरात घडली. त्याच्या सोबत असलेल्या मैत्रीणीलाही विषबाधा झाल्याने या दोघांना उपचारासाठी सीपीआर रुग्णालयात दाखल करण्यात आले.पण संबधित तरूणाच्या हातातून विषारी औषध काढून घेत असताना सोबत असलेल्या तरुणीच्या तोंडावर उडाल्याची माहिती तरुणाने आपल्या जबाबात औषध घेतलेल्या तरुणाने पोलिसांना दिली.याचा पुढ़ील जुना राजवाडा पोलिस तपास करीत आहेत.
पन्हाळा तालुक्यात रहात असलेला हा तरूण एका करीअर ॲकॅडमीत पोलिस भरतीची तयारी करीत होता.या अगोदर पोलिस भरतीमध्ये त्याचे सहकारी मित्र पोलिस भरती झाले होते. दरम्यान, शनिवारी हा तरुण आपल्या मैत्रिणी सोबत रंकाळा तलावाच्या परिसरातील मागील बाजूस आला होता. अंबाई टॅंक परिसरात त्याने पोलिस भरती न झाल्याच्या नैराश्येतून विषारी औषध पिण्याचा प्रयत्न करत असताना यावेळी त्याची मैत्रीणीच्या निदर्शनास येताच त्याच्या हातातून विषारी औषध काढून घेत असताना झालेल्या झटापटीत तिच्याही चेहऱ्यावर विषारी औषध उडाल्याने त्या दोघांनाही अत्यवस्थ वाटू लागल्याने उपचारासाठी सीपीआर रुग्णालयात दाखल करण्यात आले. या घटनेची नोंद जुना राजवाडा पोलिस ठाण्यात झाली.