प्रेस मीडिया लाईव्ह :
पुणे प्रतिनिधी :
पुणे : हिंजवडीमध्ये मिनी बसला आग लागून ४ जणांचा होरपळून मृत्यू झाला. आधी ही दुर्घटना वाटत होती. पण कंपनीमध्ये होणारा त्रास आणि कर्मचाऱ्यांनी प्रवासात त्रास दिल्यामुळे मिनी बस चालकानेच स्फोट घडवून ४ जणांना ठार मारल्याचा प्रकार पोलीस तपासात समोर आला आहे.या अपघातात चार कर्मचाऱ्यांचा होरपळून मृत्यू झाला. तर 6 जण गंभीर जखमी झाले आहेत. जखमींपैकी चालकाची प्रकृती गंभीर आहे.
दरम्यान, आता याप्रकरणी धक्कादायक माहिती समोर आली आहे. हिंजवडीमधील ही घटना अपघात नसल्याचे उघड झाले आहे. टेम्पो ट्रॅव्हलर चालकाने केमिकल आणून सीटखाली ठेवत भडका घडवून आणला. फेज १ मध्ये एकेरी वाहतूक असलेला रस्ता सुरू झाल्यावर त्याने काडी पेटवून आग लावली. त्यानंतर केमिकलचा भडका उडाला. भडका उडण्यापूर्वी चालक गाडीतून उतरला होता. त्याचा दिवाळीत पगार कापला होता. तसेच गाडीतील सहकारी कर्मचाऱ्यांनी त्रास दिला होता म्हणून त्याने हे सर्व घडवून आणल्याची धक्कादायक बाब समोर आली आहे. जनार्दन हंबर्डीकर असे चालकाचे नाव आहे. त्याचा तिघांशी वाद होता, त्यांना संपवायचे म्हणून त्याने हा प्रकार केला.