प्रेस मीडिया लाईव्ह :
श्री बाळासाहेब माने शिक्षण प्रसारक मंडळ अंबप, संचलित कॉलेज ऑफ एज्युकेशन (बी.एड्.) पेठ वडगाव येथे जागतिक महिला दिनानिमित्त विविध कार्यक्रम घेण्यात आले.शनिवार दि.८मार्च २०२५ रोजी जागतिक महिला दिनानिमित्त महाविद्यालयामध्ये प्रथम व व्दितीय वर्षातील विद्यार्थिनींसाठी तसेच महिला स्टाफसाठी विविध कार्यक्रम,फनी गेम्स व स्पॉट गेम्स आयोजित केले होते.
कार्यक्रमाची सुरुवात प्रथमत: मान्यवरांच्या हस्ते प्रतिमापूजन, दीप प्रज्वलन करून करण्यात आली. कार्यक्रमाच्या अध्यक्षा प्र. प्राचार्या सौ.आर.एल. निर्मळे -चौगुले मॅडम यांनी महिला दिनानिमित्त कार्यक्रमाचे अध्यक्षस्थान भूषविले.
कार्यक्रमामध्ये प्रतिमापूजन, दीपप्रज्वलन, मान्यवरांचे स्वागत, विद्यार्थ्यांसाठी फनी गेम्स, मान्यवरांचे मार्गदर्शन, कार्यशाळेत उपस्थित सर्व महाविद्यालयाच्या विद्यार्थिनींना बक्षीस, मान्यवरांची मनोगते,आभार अशा स्वरूपात कार्यक्रम संपन्न झाला, या कार्यक्रमासाठी प्रथम व द्वितीय वर्षातील सर्व छात्राध्यापकांनी व सर्व प्राध्यापकांनी उपस्थिती लावली होती. यामध्ये विविध उपक्रमांच्या माध्यमातून जागतिक महिला दिनाचा कार्यक्रम संपन्न झाला.सर्व विद्यार्थ्यिनिंनी सर्व कार्यक्रमामध्ये उस्फूर्तपणे सहभाग घेतला व महिला दिनाचा आनंद सोहळा साजरा केला.कार्यक्रमाच्या अध्यक्षा महाविद्यालयाच्या प्र. प्राचार्या डॉ .आर.एल. निर्मळे - चौगुले मॅडम यांनी जागतिक महिला दिनानिमित्त विद्यार्थ्यांना मोलाचे मार्गदर्शन केले. त्यांनी स्त्री पुरुष समानता तसेच आजची स्त्री यावर मार्गदर्शन केले व स्त्रियांनी स्वातंत्र्य व स्वैराचार यातील फरक ओळखून स्वतःमध्ये कोणत्या प्रकारचे बदल घडवावेत याविषयी योग्य ते मार्गदर्शन केले. कार्यक्रमाचे सूत्रसंचालन द्वितीय वर्षाच्या छात्राध्यापिका सुनंदा पोवार हिने केले, आभार शर्वरी करपे हिने केले.तसेच या कार्यक्रमास प्रा. शिरतोडे व्ही.एल., प्रा. डॉ.पवार ए. आर. , प्रा.सोरटे.एस.के.,प्रा. सावंत ए.पी., चौगुले एस.एस.तसेच प्रथम व द्वितीय वर्षाचे छात्राध्यापक, छात्राध्यापिका, शिक्षकेतर कर्मचारी उपस्थित होते.