श्री.बाळासाहेब माने शिक्षण प्रसारक मंडळ अंबप संचलित,कॉलेज ऑफ एज्युकेशन (बी.एड्.) पेठ वडगाव येथे आंतरवासिता कार्येक्रम संपन्न झाला.

प्रेस मीडिया लाईव्ह :

श्री.बाळासाहेब माने शिक्षण प्रसारक मंडळ अंबप संचलित,कॉलेज ऑफ एज्युकेशन (बी.एड्.) पेठ वडगाव येथे बी.एड्. प्रथम वर्षातील सेमिस्टर दोन मधील शालेय आंतरवासिता टप्पा क्रमांक एक,शालेय आंतरवासिता प्रात्यक्षिकांतर्गत, आंतरवासिता गट क्रमांक एक - श्रीमती इंदिरा गांधी माध्यमिक विद्यालय व ज्यु . कॉलेज , पेठ वडगाव येथे आंतरवासिता  कार्येक्रम संपन्न झाला.

ही आंतरवासिता दिनांक 27/01/2025 पासून सुरू करण्यात आली होती. या आंतरवासिते दरम्यान छात्राध्यापकांनी अध्ययनाबरोबरच वेगवेगळे उपक्रम राबविले.त्यामध्ये  , हस्ताक्षर स्पर्धा,रंगभरण  स्पर्धा, रांगोळी स्पर्धा, प्रश्नमंजुषा, मॅथ्स मॅरेथॉन, न्यूज रीडिंग, तसेच वेगवेगळे उपक्रम देखील राबवण्यात आले त्यामध्ये, म्युझिक बेसिक प्रशिक्षण,वेदिक मॅथ्स ट्रिक, ब्रेन फोकस गेम्स, अबॅकस, कवायत प्रकार,तसेच ग्रीन क्लब ऍक्टिव्हिटी मध्ये वृक्षारोपण, परिसर स्वच्छता गांधीजी पुण्यतिथी निमित्त छात्राध्यापक हौसेराव हुबाले याचे "गांधी समजून घेताना"या विषयावर व्याख्यान ,फूड स्टॉल, पालकांसाठी हळदी कुंकू, स्पाॅट गेम,  मैदानी खेळ असे वेगवेगळे उपक्रम राबवण्यात आले.

      शनिवार,दिनांक 01/02/2025 रोजी आंतरवासितेचा सांगता समारंभ संपन्न झाला. कार्यक्रमाच्या अध्यक्षस्थानी  शाळेचे मुख्याध्यापक माननीय डॉ. कोंडेकर एस. एच. सर उपस्थित होते तसेच कार्यक्रमासाठी प्रमुख उपस्थितीमध्ये महाविद्यालयाच्या प्र.प्राचार्या डॉ.सौ.निर्मळे- चौगुले आर.एल.मॅडम उपस्थित होत्या. तसेच इंदिरा गांधी माध्यमिक विद्यालयातील सीनियर अध्यापक सुधीर माने सर , इंदिरा गांधी माध्यमिक शाळेतील  सर्व शिक्षक, शिक्षकेतर कर्मचारी उपस्थित होते. तसेच महाविद्यालयाच्या ग्रंथपाल चौगुले एस. एस. यांनीही कार्यक्रमाला उपस्थिती लावली होती.

या गटाचे शालेय आंतरवासिता मार्गदर्शिका  सहा. प्रा. शिरतोडे व्हि.एल., मार्गदर्शक सहा.प्रा. सोरटे एस. के., मार्गदर्शिका सहा.प्रा. शिंदे आर. डी. यांच्या मार्गदर्शनाखाली पार पडले.

कार्यक्रमाचे सूत्रसंचालन छात्राध्यापक सावंत अभिजीत व छात्राध्यापिका पाटील शरयू यांनी केले. प्रास्ताविक छात्र मुख्याध्यापक विशालराज पाटील व पाहुण्यांची ओळख गजानन माळवे यांनी केली.आंतरवासितेदरम्यान घेण्यात आलेल्या विविध स्पर्धांचे मान्यवरांच्या हस्ते बक्षीस वितरण करण्यात आले. शाळेतील विद्यार्थ्यांनी उस्फूर्तपणे आपली मनोगते व्यक्त केली.तसेच छात्र उपमुख्याध्यापक सुहास पाटील व सहाय्यक छात्राध्यापिका ज्ञानेश्वरी खोत यांनी आपले मनोगत व्यक्त केले. मार्गदर्शक प्रा.सोरटे एस. के. यांनीही आपले मनोगत व्यक्त केले.

महाविद्यालयाच्या प्राचार्या निर्मळे मॅडम यांनीही विद्यार्थ्यांना खूप मोलाचे मार्गदर्शन केले. शाळा दिल्याबद्दल इंदिरा गांधी माध्यमिक विद्यालयाच्या मुख्याध्यापक व सर्व स्टाफचे आभार मानले. भविष्यकालीन शिक्षक कसा असावा याबाबतीत छात्राध्यापकांना मार्गदर्शन केले व तसेच शाळेतील विद्यार्थ्यांनाही भविष्याच्या दृष्टिकोनातून अनमोल असे मार्गदर्शन केले ‌.त्यांनी सांगितले की, विद्यार्थ्यांनी आपला आत्मविश्वास वाढविला पाहिजे ,नवीन गोष्टी शिकण्यावर भर दिला पाहिजे  तसेच शाळेचे मुख्याध्यापक डॉ. कोंडेकर एस. एच. सर यांनी छात्राध्यापकांच्या कामाचे कौतुक करत त्यांना शुभेच्छा दिल्या. छात्र अध्यापकांच्या मधील विशेष अशा कौशल्यांचे त्यांनी भरभरून कौतुक केले. त्यानंतर  छात्राध्यापिका सोनाली पाटील यांनी आभार मानले, अशाप्रकारे ही आंतरवासिता टप्पा क्रमांक एक अगदी व्यवस्थितरित्या पार पडली.