प्रेस मीडिया लाईव्ह :
मुरलीधर कांबळे :
कोल्हापूर- स्थानिक गुन्हे अन्वेषण पथकाने दोघां मोटारसायकल चोरट्यांना अटक करून 1 लाख 10 हजार रुपये किमंतीच्या 5 मोटारसायकली जप्त करून चोरीचे 4 गुन्हे उघडकीस आणले आहेत .या प्रकरणी संजय रमेश आंबी (वय 19.रा.बागडी गल्ली ,गंगापूर ता.शिरोळ) आशपाक सादात कुन्नुरे (वय 19.रा.लालनगर, तेरवाड ता.शिरोळ) यांच्यासह एका अल्पवयीन मुलाला ताब्यात घेतले.
वरिष्ठ पोलिस अधिकारी यांनी कोल्हापूर जिल्ह्यातील वाढ़त्या मोटारसायकल चोरीचे प्रमाण कमी करून दाखल असलेल्या चोरीचे गुन्हे उघडकीस आणण्याच्या सूचना स्थानिक गुन्हे अन्वेषण पथकाला दिले होते.त्या अनुशंगाने तपास करीत असताना या पथकातील पोलिसांना शिरोळ तालुक्यातील गंगापूर येथील संजय आंबी यांने आपल्या साथीदारांच्या मदतीने कुरुंदवाड आणि शिरोळ येथून मोटारसायकली चोरल्याची माहिती मिळाली.त्या अनुशंगाने दि.07/02/2025 रोजी तपास पथकातील पोलिसांनी तेरवाड येथे बस स्टॉप जवळ सापळा रचून सीडी डिलक्स मोटारसायकल वरुन आलेल्या एका अल्पवयीन मुलासह दोघांना ताब्यात घेऊन चौकशी केली असता त्यांच्या कडील मोटारसायकल चोरीच्या असून कुरुंदवाड पोलिस ठाण्यात गुन्हा दाखल असल्याची माहिती मिळाली.पोलिसांनी ताब्यात घेतलेल्या दोघांच्याकडे आणि अल्पवयीन मुलाकडे चौकशी केली .तेव्हा त्यांनी आणखी 3 मोटारसायकली चोरी केल्याची कबुली दिल्याने 3 मोटारसायकल व गुन्हयांत वापरलेल्या मोटारसायकल अशा एकूण 5 मोटारसायकल जप्त करून मोटारसायकल चोरीचे कुरुंदवाड पोलिस ठाण्यात 3 आणि शिरोळ पोलिस ठाण्यात 1 असे एकूण चार गुन्हें उघकीस आणून त्यांना पुढ़ील तपासासाठी कुरुंदवाड पोलिसांच्या ताब्यात देण्यात आले.
ही कारवाई पोलिस अधीक्षक मा.महेंद्र पंडीत यांच्या मार्गदर्शनाखाली स्थानिक गुन्हे अन्वेषणचे पोलिस निरीक्षक रविंद्र कळमकर ,सहा.पोलिस निरीक्षक चेतन मसुटगे ,पोलिस उपनिरीक्षक जालिंदर जाधव यांच्यासह त्यांच्या पथकाने केली.