प्रेस मीडिया लाईव्ह :
मुरलीधर कांबळे :
कोल्हापूर- स्थानिक गुन्हे अन्वेषण पथकाने मोटारसायकल चोरटा स्वप्निल सुनिल नलावडे (वय 19.रा.शाहुनगर ,हातकंणगले) याला अटक करून त्याच्या कडील चोरीतील दोन बुलेट व दोन सप्लेंडर मोटारसायकल असा एकूण 3 लाख 40 हजार रुपये किमंतीचा मुद्देमाल जप्त करण्यात आला आहे.यात दोघां अल्पवयीन मुलांना पोलिसांनी ताब्यात घेतले आहे.
वरिष्ठ पोलिस अधिकारी यांनी कोल्हापूर जिल्ह्यात होत असलेल्या मोटारसायकल चोरीचे गुन्हे उघडकीस आणण्याच्या सूचना स्थानिक गुन्हे अन्वेषण पथकाला दिल्या होत्या.पोलिस निरीक्षक रविंद्र कळमकर यांनी पोलिस उपनिरीक्षक शेष मोरे आणि पोलिस यांची पथके तयार करून तपास चालू केला.सदर पथकातील तपास चालू करून शोध घेत असताना हातकंणगले तालुक्यातील अतिग्रे येथील हॉटेल अक्सेल जवळ दि.04/02/2025 रोजी दोन अल्पवयीन मुले चोरीतील बुलेट गाडी घेऊन येणार असल्याची माहिती मिळाली.
मिळालेल्या माहितीनुसार पोलिसांनी दि.04/02/2025 रोजी त्या परिसरात सापळा रचून विना नंबर प्लेट बुलेट घेऊन आलेल्या दोघां अल्पवयीन मुलांना ताब्यात घेऊन चौकशी केली असता त्यांनी आपल्या ताब्यात असलेली बुलेट स्वप्निल नलावडे याच्या मदतीने चोरल्याची कबुली दिली.त्यानंतर पोलिसांनी त्याच्याकडे सखोल चौकशी केली असता त्यांनी चोरलेल्या आणखी एक बुलेट आणि दोन सप्लेंडर मोटारसायकल जप्त करून त्यांचा साथीदार स्वप्निल नलावडे याला अटक केली.
यांच्या कडुन इंचलकरंजी ,शिवाजीनगर पोलिस ठाण्यात दाखल असलेला एक आणि शहापूर पोलिस ठाण्यात दाखल असलेले दोन मोटारसायकल चोरीचे गुन्हे उघडकीस आणले.
ही कारवाई पोलिस अधीक्षक मा.महेंद्र पंडीत,अप्पर पोलीस अधीक्षक निकेश खाटमोडे -पाटील यांच्या मार्गदर्शनाखाली पोलिस निरीक्षक रविंद्र कळमकर , सहा.पोलिस निरीक्षक शेष मोरे,पोलिस संजय कुंभार ,प्रशांत कांबळे,महेश खोत महेश पाटील,विशाल चौगुले ,प्रदिप पाटील ,लखन पाटील,सागर माने,शुभम संकपाळ,राजेंद्र वरंडेकर सुशिल पाटील,विजय इंगळे आणि संदिप बेंद्रे यांनी केली.