देहूरोड भागात गोळीबार झाल्याचे घटनेने शहरात खळबळ, जख्मी व्यक्ती खाजगी रुग्णालयात दाखल.
प्रेस मीडिया लाईव्ह :
चंद्रशेखर पात्रे :
देहूरोड दि.:- देहूरोड च्या गांधीनगर भागात मध्यरात्री च्या वेळी गोळीबाराच्या घटनेत एकाचा मृत्यू झाला असून दोघे जण जखमी आहेत. ही घटना गुरुवारी रात्री साडे अकराच्या सुमारास घडली. यामुळे देहूरोड मध्ये एकच खळबळ उडाली आहे या घटनेचा एक सीसीटीव्ही समोर आला असून सीसीटीव्ही मध्ये दुचाकीवरून आलेल्या दोघांवर सराईत गुन्हेगार अंदाधुंद गोळीबार करताना स्पष्ट दिसत आहे.
या घटनेमध्ये विक्रम गुरुस्वामी रेड्डी याचा मृत्यू झाला आहे. गुरुवारी रात्री वाढदिवसाच्या दरम्यान ही घटना घडली आहे. पूर्ववैमनस्यातून घडलेल्या घटने मध्ये रेड्डीचा मृत्यू झाला आहे. रेड्डी आणि त्याचा सहकारी हे दुचाकीवरून जात होते. त्याच दरम्यान समोर उभा असलेल्या सराईत गुन्हेगाराने त्यांच्यावर गोळीबार केला. याच दरम्यान विक्रम गुरु स्वामी रेड्डीचा मृत्यू झाला आहे. तर इतर एक जण गंभीर जखमी आहे.दरम्यान त्याआधी देखील सराईत गुन्हेगाराने केलेल्या मारहाणीत नंदकिशोर यादव नावाचा व्यक्ती गंभीर जखमी झाला आहे. त्याच्यावर देखील खासगी रुग्णालयात उपचार सुरू आहेत. घटनेची माहिती मिळताच देहूरोड पोलीस घटनास्थळी दाखल झाले होते. पोलिसांच्या हाती सीसीटीव्ही लागला असून सीसीटीव्हीच्या आधारे पोलीस सराईत गुन्हेगाराचा शोध घेत आहेत.