प्रेस मीडिया लाईव्ह :
पुणे : मकर सक्रांतीच्या पार्श्वभूमीवर पुणे पोलिसांनी मोठा निर्णय घेतला आहे. या निर्णयामुसार, आता मुलांनी चायनीज मांजाने पतंग उडवल्यास थेट पालकावर कारवाई केली जाणार आहे. कारण, पुण्यात चायनीज मांजावर बंदी असताना देखील मोठ्या प्रमाणात याचा वापर होत आहे. गेल्या काही दिवसांत चायनीज(नायलॉन) मांजामुळे अनेक जण जखमी झाले आहे. या घटनांचे गांभीर्य लक्षात घेत चाईनीज मांजा वापरुन जर मुलांनी पंगत उडवल्यास आता थेट पालकांवर कारवाई केली जाणार आहे. या अंतर्गत संबंधित पालकांवर गु्न्हा देखील दाखल केला जाणार असल्याचे पुणे पोलिसांनी स्पष्ट केले आहे.
अवघ्या काही दिवसांवर मकरसंक्रांतीचा सण येवून ठेपला आहे. या सणानिमित्त मुले पंगत उडवून आनंद साजरा करतात. संक्रातीच्या निमित्ताने अनेक दुकानांवर पंतग आणि मांजा घेण्यासाठी गर्दी होत आहे. प्राशासनाने होणाऱ्या अप्रिय घटना लक्षात घेत चायनीज मांजावर बंदी घातली आहे. असे असताना देखील अनेक दुकानदार चायनीज मांजाची सर्रास विक्री होत आहे. चायनीज (नायलॉन) मांजामुळे पुण्यात अनेक जण गंभीर जखमी झाले आहेत. नुकतेच नायलॉन मांजामुळे नाशिकमध्ये एका व्यक्तीची मान कापून त्याला 40 टाके पडले.
पुण्यात देखील तीन दिवसांपूर्वी अशीच घटना घडत नायलॉन मांजा गळ्यात अडकून एका व्यक्तीचा गळा कापला गेला. या घटनेत तो व्यक्ती गंभीर जखमी होत त्याला तब्बल 32 टाके पडले. कात्रज येथेही काही दिवसांपूर्वी नायलॉन मांजामुळे घटना घडली होती. या ठिकाणी सतीश फुलारी मुलीला शाळेतून घेऊन येत असताना कात्रज-कोंढवा रस्त्यावर त्यांच्या गळ्यात नायलॉन मांजा अडकत त्यांचा गळा कापला होता. या घटनेत ते सुदैवाने वाचले. या सर्व घटनांचे गांभीर्य लक्षात घेता पुणे पोलिसांनी मांजा विकणाऱ्यांवर तसेच हा मांजा वापरणाऱ्यांवर कारवाई करण्याचा निर्णय घेतला आहे.