श्री बाळासाहेब माने शिक्षक प्रसारक मंडळ अंबप , संचलित कॉलेज ऑफ एज्युकेशन ,(बी.एड) पेठ वडगाव . या महाविद्यालया मध्ये वाचन संकल्प महाराष्ट्राचा पंधरवडा साजरा करण्यात आला.

 

प्रेस मीडिया लाईव्ह :

श्री बाळासाहेब माने शिक्षक प्रसारक मंडळ अंबप , संचलित कॉलेज ऑफ एज्युकेशन ,(बी.एड) पेठ वडगाव . या महाविद्यालया मध्ये 1 जानेवारी ते 15 जानेवारी 2025 पर्यंत वाचन संकल्प महाराष्ट्राचा पंधरवडा साजरा करण्यात आला. 1 जानेवारी व 2 जानेवारी 2025 बुधवार व गुरुवार या दोन दिवसांमध्ये सामूहिक ग्रंथ प्रदर्शन व दुर्मिळ ग्रंथ प्रदर्शन अशा स्वरूपात उपक्रम घेण्यात आला.

 डॉ. एस आर रंगनाथन व अण्णाभाऊ साठे या थोर विभूतींच्या प्रतिमापूजनाने या पंधरवड्याची सुरुवात झाली. प्रतिमा पूजनासाठी सर्व छात्राध्यापक, प्राध्यापक, प्राचार्या उपस्थित होते. या उपक्रमामध्ये प्रथम वर्षाचे छात्राध्यापक सहभागी झाले होते. या उपक्रमासाठी प्राचार्या डॉ. निर्मळे आर एल मॅडम यांचे मार्गदर्शन लाभले व सर्व प्राध्यापक व ग्रंथपाल या सर्वांनी मिळून या कार्यक्रमाचे आयोजन केले. या ग्रंथ प्रदर्शनातील दुर्मिळ अशा ग्रंथांच्या वाचनाचा प्रथम वर्षाच्या छात्राध्यापकांनी आस्वाद घेतला. त्यासाठी प्राध्यापक सोरटे सर ,पवार मॅडम, ग्रंथपाल चौगुले मॅडम यांनी योग्य ते मार्गदर्शन केले. या पंधरवड्यातील सर्व उपक्रमांसाठी संस्था अध्यक्ष माननीय विजयसिंह माने साहेब यांचेही मोलाचे मार्गदर्शन लाभले. 

हा उपक्रम संपन्न करण्यासाठी प्राचार्या डॉ. निर्मळे आर.एल., प्रा. सोरटे एस. के. प्रा. शिरतोडे व्ही.एल. प्रा. सावंत ए.पी. प्रा. पवार ए. आर. ग्रंथपाल चौगुले एस. एस. सर्व शिक्षकेतर कर्मचारी या सर्वांचे मोलाचे सहकार्य लाभले.