सिध्दनेर्ली फाटा येथे चारचाकी झाडाला आदळून झालेल्या अपघातात वृध्दा ठार. तर तिघे जखमी.

 

प्रेस मीडिया लाईव्ह :

मुरलीधर कांबळे :

कोल्हापूर- कागल तालुक्यातील सिध्दनेर्ली फाटा येथे झालेल्या अपघातात सुलोचना दगडू कलकुटगी (वय 75.रा.माऊली चौक ,राजारामपुरी ) यांचा मृत्यु झाला.तर कल्लापा आप्पासाहेब कलकुटगी (वय 32)अर्चना कल्लापा कलकुटगी (वय 34.दोघे रा.विजापूर) आणि शोभा आनंदा नलवडे (वय 50.रा.माऊली चौक ,राजारामपुरी) हे जखमी झाले असून त्यांच्यावर सीपीआर रुग्णालयात उपचार चालू आहेत.हा प्रकार बुधवार (दि.29) रोजी सकाळी 9 च्या सुमारास घडला.या घटनेची नोंद सीपीआर पोलिस चौकीत झाली आहे.

विजापूर येथून त्यांचे नातेवाईक आदमापूरला जाण्यासाठी चारचाकीतुन आले होते.ते कोल्हापूरच्या दिशेने येत असताना सिध्दनेर्ली फाटा येथे त्यांच्या चारचाकीला एक मोटारसायकल घासून गेल्याने त्या मोटारसायकलला चुकविण्याच्या नादात तेथे असलेल्या झाडाच्या बुंद्याला जोरात आदळल्याने झालेल्या अपघातात चौघे जण जखमी झाले होते. यात मोटारसायकल स्वार पसार झाला. जखमींना उपचारासाठी सीपीआर रुग्णालयात दाखल करण्यात आले असता तेथे उपचार चालू असताना सुलोचना कलकुटगी यांचा मृत्यु झाला.अशी माहिती त्यांच्या नातेवाईकांनी दिली.