मोटरसायकल अपघातात जखमीचा मृत्यु.

 

प्रेस मीडिया लाईव्ह :

मुरलीधर कांबळे :

इंचलकरंजी - यड्राव येथे सुतगिरणी जवळ झालेल्या अपघातात प्रदिप पांडूरंग  बुलबुले (वय 62.रा .यड्राव ,इंचलकरंजी ) यांचा शुक्रवार (दि.24) रोजी मोटारसायकलने दिलेल्या धडकेत जखमी झाले होते.त्यांच्यावर सीपीआर रुग्णालयात उपचार चालू असताना बुधवार (दि.29) रोजी सकाळी मृत्यु झाला.या घटनेची नोंद सीपीआर पोलिस चौकीत झाली आहे.

यातील मयत हे यड्राव येथे रहात असून ते होजिअरीचा सायकल वरुन फिरुन व्यवसाय करीत असतात.दि.24 रोजी सायकल वरुन इंचलकरंजी कडे येत असताना सकाळी पावणे सातच्या सुमारास यड्राव सुतगिरणी जवळ एका मोटारसायकलने धडक दिल्याने ते जखमी झाले होते.त्यांना उपचारासाठी इंचलकरंजी येथे आयजीएम रुग्णालयात दाखल करण्यात आले होते.तेथे उपचार घेऊन पुढ़ील उपचारासाठी सीपीआर रुग्णालयात दाखल करण्यात आले असता तेथे उपचार चालू असताना मृत्यु झाला.अशी माहिती त्यांच्या नातेवाईकांनी दिली.त्यांच्या पश्चात पत्नी,एक मुलगा आणि मुलगी आहे.