स्थानिक गुन्हे अन्वेषण पथकाची कारवाई.
प्रेस मीडिया लाईव्ह :
मुरलीधर कांबळे :
कोल्हापुर- स्थानिक गुन्हे अन्वेषण पथकाने मोटारसायकली चोरीतील आणि सेंट्रिंग कामाच्या प्लेटा चोरी केल्या प्रकरणी आरोपी स्वप्निल आनंदा सोनाळे (वय 23.रा.म्हसोबा माळवाडी ,गोकुळशिरगांव) ओंकार संजय चव्हाण (वय 20.रा.गणेश मंदीराजवळ,गो.शिरगांव) आणि अंकुश लक्ष्मण पांडागळे (वय 54.रा.दत्तमंदीराजवळ, राजेंद्रनगर ) यांना अटक केली.
वरिष्ठ पोलिस अधिकारी यांनी कोल्हापूर जिल्ह्यात होत असलेल्या मोटारसायकल चोरीचे गुन्हे उघडकीस आणण्याच्या सूचना स्थानिक गुन्हे अन्वेषण पथकाला दिल्या होत्या.या अनुशंगाने पथके तयार करून मोटारसायकल चोरीच्या गुन्हयांचा तपास करीत असताना या पथकातील पोलिसांना गोकुळ शिरगाव येथील स्वप्निल सोनाळे यांने आपल्या साथीदारांच्या मदतीने मोटारसायकली चोरल्याची आणि त्याच प्रमाणे सेंट्रिंग कामातील प्लेटाची चोरल्याची माहिती मिळाली असून सदर चोरीची मोटारसायकल आणि चोरीच्या प्लेटा विक्री करण्यासाठी मोरेवाडी जकातनाका मार्गे राजेंद्रनगर येथे येणार असल्याची माहिती मिळाली असता मिळालेल्या माहितीनुसार तपास पथकातील पोलिसांनी (दि.21) रोजी सापळा रचून विना नंबर प्लेट मोटारसायकल घेऊन आलेल्या स्वप्निल आणि ओंकार या दोघांना मोटारसायकलसह ताब्यात घेऊन त्याच प्रमाणे अंकुश पांडागळे याला त्याच्या कडील असलेल्या रिक्षात सेंट्रिंग कामाच्या चोरीच्या प्लेटासह ताब्यात घेऊन चौकशी केली असता सदर मोटारसायकल ही चोरीतील असून ह्याचा वडगाव पोलिस ठाण्यात गुन्हा दाखल असून सेंट्रिंग कामातील चोरलेल्या प्लेटा याची गोकुळ शिरगाव पोलिस ठाण्यात गुन्हा दाखल असल्याची माहिती मिळाली.या तिघांना ताब्यात घेऊन त्यांच्याकडे अधिक चौकशी केली असता आरोपी स्वप्निल सोनाळे यांने आपल्या साथीदारांच्या मदतीने तळसंदे,वाठार आणि उजळाईवाडी परिसरातुन पाच मोटारसायकल चोरल्याची कबुली दिल्याने त्यांच्या कडुन चोरीतील पाच मोटारसायकल जप्त करण्यात आल्या.त्याच बरोबर सेंट्रीग कामातील चोरलेल्या साठ प्लेटासह गुन्हयांत वापरलेली रिक्षा आणि मोटारसायकल असा एकूण साडे पाच लाख रुपये किमंतीचा मुद्देमाल जप्त करून वडगाव आणि उजळाईवाडी पोलिस ठाण्यात दाखल असलेले मोटारसायकल चोरीचे पाच गुन्हे उघडकीस आणुन सेंट्रिंग कामाच्या प्लेटा चोरीचा गोकुळ शिरगाव पोलिस ठाण्यात एक गुन्हा दाखल असलेला स्थानिक गुन्हे अन्वेषण पथकाने उघडकीस आणला.
ही कारवाई पोलिस अधीक्षक मा.महेंद्र पंडीत यांच्या मार्गदर्शनाखाली स्थानिक गुन्हे अन्वेषणचे पोलिस निरीक्षक रविंद्र कळमकर सहा.पोलिस निरीक्षक चेतन मसुटगे पोलिस उपनिरीक्षक जालिंदर जाधव यांच्यासह त्यांच्या पथकाने केली.