प्रेस मीडिया लाईव्ह :
पुणे - भारतरत्न मौलाना आझाद सामाजिक शिक्षण व क्रिडा संघटनेने भारतरत्न मौलाना आझाद यांच्या जयंतीचे औचित्य साधून पुरस्कार वितरण सोहळा आयोजित केला होता.या वितरण सोहळ्यात पुणे न्युज एक्सप्रेसचे मुख्य संपादक मेहबूब सर्जेखान यांना जेष्ठ पत्रकार अशोक वानखेडे यांच्या हस्ते आदर्श पत्रकार हा पुरस्कार देऊन सन्मानित करण्यात आले. हा वितरण सोहळा पुणे येथील कोरेगाव पार्क येथे मान्यंवराच्या उपस्थित पार पडला.
या संस्थेच्या वतीने प्रत्येक वर्षी समाजात विविध क्षेत्रात उल्लेखनीय कामगिरी केलेल्या व्यक्तीचा पुरस्कार देऊन सन्मान करण्यात येतो.पुणे न्युज एक्सप्रेसचे मुख्य संपादक मेहबूब सर्जेखान यांनी केलेल्या सामाजिक ,राजकीय आणि सांस्कृतिक रोख ठोक लेखणी करून जनतेचे प्रश्न मांडुन त्यांना न्याय मिळवून देण्याचा प्रयत्न केला.या कामाची दखल घेऊन या संस्थेने त्यांना आदर्श पत्रकार हा पुरस्कार देऊन गौरव करण्यात आला.
या वेळी नागपूर विद्यापीठाचे कुलगुरू डॉ.एस.एन.पठाण ,सर्वोच्च न्यायालयाचे अधिवक्ता अन्वर हुसैनी,भाजपच्या रुबाना अल्ली,माजी नगरसेवक अविनाश बागवे,व्यवस्थापकीय संचालक सलीम बागवान यांच्या इतरमान्यंवर , पुरस्कारकर्ते आपल्या कुंटुबिया समवेत उपस्थित होते.या कार्यक्रमाची सुरुवात भारतरत्न मौलाना आझाद यांच्या तैलचित्राचे अनावरण करून राष्ट्रगीताने सुरुवात करण्यात आली.या कार्यक्रमाचे सुत्रसंचालन इकबाल अन्सारी यांनी केले असून आभार असोशिएशनचे सरचिटणीस रफिक तांबोळी यांनी मानले.