प्रेस मीडिया लाईव्ह :
आपल्या कुटुंबीयांसोबत दिवाळीच्या रात्री फटाके फोडत असतानाच भरधाव वेगातील चारचाकी वाहनाने एका 35 वर्षाच्या तरुणाला जोरदार धडक दिली. या अपघातात त्याचा जागीच मृत्यू झाला आहे .सोहम पटेल असे अपघातात मृत्यू झालेल्या तरुणाचे नाव आहे. आरोपी वाहनचालक अद्याप फरार असून पोलिस त्याचा शोध घेत आहेत.
पुण्यातील रावेत परिसरात ही घटना घडली आहे. येथील सेलेस्टियल सिटी सोसायटी समोर सोहम आपल्या कुटुंबीयांसोबत दिवाळी साजरी करत होता. कुटुंबासह फटाके फोडत असताना भरधाव वेगाने जाणाऱ्या चारचाकी वाहनने त्याला धडक दिली. अपघातानंतर कार चालक पळून गेला आहे. ही संपूर्ण घटना तेथील सीसीटीव्ही कॅमेऱ्यात कैद झाली आहे.
1 नोव्हेंबर च्या रात्री ही घटना घडली असून आरोपी अजून पकडला गेला नसल्याने रावेत परिसरातील नागरिक संताप व्यक्त करत आहेत. रावेत पोलिसांनी अपघाताला कारणीभूत ठरलेल्या वाहन चालकाला तात्काळ अटक केली नाही तर, आम्ही रस्त्यावर उतरून आंदोलन करणार, असा इशारा रावेत परिसरातील नागरिकांनी दिला आहे.