कुत्रे आडवे आल्याने मोटारसायकल वरुन पडून जखमीचा मृत्यु.

 

प्रेस मीडिया लाईव्ह :

मुरलीधर कांबळे :

कोल्हापूर- पन्हाळा तालुक्यातील   जाखले येथील जालंदर यशवंत देशमुख (वय 68.माने गल्ली ,जाखले ) यांचा जाखले येथे भैरेवाडी वारणानगर रोडवर मोटारसायकल वरुन जात असताना कुत्रे आडवे आल्याने मोटारसायकल वरुन पडून जखमी झाले होते.त्यांच्यावर सीपीआर रुग्णालयात उपचार चालू असताना मंगळवारी सकाळी मृत्यु झाला.या घटनेची नोंद सीपीआर पोलिस चौकीत झाली आहे.

यातील मयत हे शनिवार (दि.09) रोजी सायंकाळी सहाच्या सुमारास अमृतनगर येथे आपल्या मित्रांना भेटण्यासाठी मोटारसायकल वरुन जात असताना जाखले येथील सत्यवती  कॉलनी येथुन जात असताना भैरेवाडी वारणानगर मार्गावर कुत्रे आडवे आल्याने मोटारसायकल वरुन खाली पडल्याने त्यात ते गंभीर जखमी झाले होते.त्यांना उपचारासाठी सीपीआर रुग्णालयात दाखल करण्यात आले होते.तेथे उपचार चालू असताना मंगळवारी सकाळी मृत्यु झाला.अशी माहिती त्यांच्या नातेवाईकांनी दिली.

त्यांच्या पश्च्यात पत्नी ,दोन मुले आणि एक विवाहित मुलगी आहे.