रेल्वेत चढ़त असताना पाय घसरून पडल्याने एकाचा मृत्यु.

 

प्रेस मीडिया लाईव्ह :

मुरलीधर कांबळे :

कोल्हापूर- हातकंणगले तालुक्यातील रुकडी येथील संतोष गजानन देसाई (वय 43.रा.देसाई गल्ली शिवाजी चौक ,रुकडी) यांचा सोमवार (दि.11) रोजी पहाटे साडे पाचच्या सुमारास रेल्वे स्टेशन येथे रेल्वेत चढ़त असताना पाय घसरून खाली पडुन जखमी झाल्याने त्यांना उपचारासाठी रुग्णवाहिकेतुन सीपीआर रुग्णालयात दाखल करण्यात आले असता त्यांचा उपचारापूर्वी मृत्यु झाला.या घटनेची नोंद सीपीआर पोलिस चौकीत झाली आहे.

यातील मयत हे शेतीसाठी लागणारी औषधे विक्रीचा व्यवसाय करीत होते.ते आज सकाळी पहाटे पाचच्या सुमारास असलेल्या रेल्वेने पलूस येथे शेतकरीवर्गाला शेतीसाठी लागणारी औषधे विक्रीसाठी जात होते.ते रुकडी रेल्वे स्थानकावर रेल्वेची वाट पहात थांबले होते.कोल्हापूरहुन आलेल्या रेल्वेत चढ़त असताना त्यांचा पाय घसरल्याने खाली पडल्याने  जखमी झाले होते.या घटनेची माहिती रेल्वे पोलिसांना समजताच जखमीच्या नातेवाईकांना माहिती दिली.नातेवाईक तात्काळ घटना स्थळी जाऊन जखमीला रुग्णवाहिकेतुन सीपीआर रुग्णालयात दाखल करण्यात आले.अशी माहिती त्यांच्या नातेवाईकांनी दिली.त्यांच्या पश्च्यात आई,पत्नी व एक मुलगा आहे.