मोटरसायकलने दिलेल्या धडकेत जखमीचा मृत्यु.

 

प्रेस मीडिया लाईव्ह :

मुरलीधर कांबळे :

कोल्हापूर- हातकंणगले तालुक्यातील खोतवाडी येथील अशोक शिवराम भोसले (वय 56) यांचा गुरुवार (दि.07) रोजी सायंकाळी सव्वा सातच्या सुमारास रहात असलेल्या गजानन महाराज मंदीर येथे झालेल्या अपघातात जखमी झाल्याने त्यांना त्यांच्या नातेवाईकांनी उपचारासाठी खाजगी रुग्णालयात उपचार घेऊन पुढ़ील उपचारासाठी सीपीआर रुग्णालयात दाखल करण्यात आले असता तेथे उपचार चालू असताना  शुक्रवार (दि.08) रोजी पहाटेच्या सुमारास मृत्यु झाला.या घटनेची नोंद सीपीआर पोलिस चौकीत झाली आहे.

यातील मयत हे  एका कंपनीत सिक्युरिटी गार्ड म्हणुन काम करीत होते.ते गुरुवारी संध्याकाळी आपल्या घरा जवळ असलेल्या मंदीरात चालत जात असताना एका मोटारसायकलने जोराची धडक दिल्याने ते जखमी झाले होते.अशी माहिती त्यांच्या नातेवाईकांनी दिली.त्यांच्या पश्च्यात पत्नी ,दोन मुले आणि एक विवाहित मुलगी आहे.