मोटारसायकल अपघातात जखमीचा मृत्यु.

प्रेस मीडिया लाईव्ह :

मुरलीधर कांबळे :

कोल्हापूर- करवीर तालुक्यातील आमशी येथील पांडुरंग महादेव पाटील (वय 40.रा.कांरडेवाडी ,आमशी) यांचा रविवार (दि.17) रोजी रात्री पावणे आठच्या सुमारास बोलोली ते आमशी रोडवर झालेल्या अपघातात जखमी झाले होते.त्यांना उपचारासाठी कोल्हापूर येथे खाजगी रुग्णालयात दाखल केले होते.तेथून उपचार घेऊन पुढ़ील उपचारासाठी सीपीआर रुग्णालयात दाखल करण्यात आले असता उपचार चालू असताना मृत्यु झाला.या घटनेची नोंद सीपीआर पोलिस चौकीत झाली आहे.

यातील मयत हे विटभट्टी कामगार असून ते काम करून आल्यानंतर सायंकाळच्या वेळेस कामानिमित्त आपल्या मोटारसायकल वरुन सांगरुळ येथे जात असताना बोलोली ते आमशी रोडवर समोरुन येत असलेल्या मोटारसायकल स्वाराने जोराची धडक दिल्याने ते गंभीर जखमी झाले होते.  अशी माहिती त्यांच्या नातेवाईकांनी दिली.त्यांच्या पश्च्यात आई-वडील , पत्नी ,एक मुलगा आणि मुलगी आहे.