मंगळवारी गझल संग्रहाचे प्रकाशन व मुशायरा

 

प्रेस मीडिया लाईव्ह :

कोल्हापूर ता.१ " गझलसाद" संस्थेच्या वतीने गझलसाद संस्थेचे संस्थापक निमंत्रक गझलकार आर्कीटेक्ट नरहर कुलकर्णी यांच्या "माझ्यातल्या मला तिला व त्यांना" या गझल संग्रहाचा प्रकाशन समारंभ " सराय दालन" शिवाजी विद्यापीठ रींग रोड (एसएससी बोर्ड जवळ कोल्हापूर ) येथे मंगळवार ता. ५ नोव्हेंबर रोजी सायं.५ वाजता आयोजित केला आहे. 

आद्य गझल संशोधक व ज्येष्ठ गझलकार प्रा. डॉ. अविनाश सांगोलेकर ( पुणे) हे  या कार्यक्रमास प्रमुख पाहुणे म्हणून उपस्थित राहणार आहेत. तसेच यावेळी मान्यवर गझलकरांचा सहभाग असलेला गझल मुशायराही होणार आहे. तरी या कार्यक्रमास साहित्य,काव्य, गझल रसिक बंधू-भगिनींनी मोठ्या संख्येने उपस्थित रहावे असे आवाहन गझलसाद संस्थेच्या वतीने प्रसाद कुलकर्णी व सर्व गझलसादीनी केले आहे.