जुन्या वादातुन दोघांच्यावर जीवघेणा हल्ला.दोघेजण गंभीर .

प्रेस मीडिया लाईव्ह :

मुरलीधर कांबळे :

कोल्हापूर - जुन्या वादातुन केलेल्या हल्ल्यात राजवर्धन राहुल कांबळे (वय 17.रा.राजोपाध्येनगर )आणि यश रविंद्र सुतार ((वय 19.रा.क्रांतिसिंह नाना पाटील नगर).हे गंभीर जखमी झाले आहेत.या प्रकरणी जुना राजवाडा पोलिसांनी तिघांना अटक करून पोलिस दोघांचा शोध घेत आहेत.ही घटना शुक्रवारी रात्रीच्या सुमारास घडली आहे.

अटक केलेल्यात राहुल रमेश गडनाईक (वय 30.रा.शिवशक्ती कॉलनी)सुजल प्रमोद भोसले (वय 19.रा कणेरकरनगर) आणि यश संदिप लोहार (वय 20.रा.कणेरकरनगर) यांचा समावेश आहे.यातील पसार झालेल्या दोघांचा पोलिस शोध घेत आहेत.अशी माहिती जुना राजवाडा पोलिस ठाण्याचे पोलिस निरीक्षक संजीव झाडे यांनी सांगितले.संशयीता विरुध्द खुनाचा प्रयत्न केल्याचा  गुन्हा दाखल करण्यात आला आहे.

जखमी राजवर्धन आणि राहुल गडनाईक यांच्यात मतभेद असून दोघांच्या कडून या पूर्वी हल्ला प्रतिहल्ला करून वाहनांच्या तोडफोडीचे प्रकार घडले आहेत.दोन तीन दिवसापूर्वी एकमेकांच्यात वाद झाला होता.शुक्रवारी (ता.10) रात्रीच्या सुमारास अटक केलेल्या तिघां संशयीतासह त्यांच्या दोन अनोळखी साथीदारांनी धारदार शस्त्रानी जखमी असलेल्या दोघांच्यावर जीवघेणा हल्ला केला.त्यात हे दोघे गंभीर जखमी झाले असून जखमीना शासकीय रुग्णालयात दाखल करण्यात आले.संशयीतावर खुनाचा गुन्हा दाखल होताच जुना राजवाडा पोलिस ठाण्याचे सहाय्यक पोलिस निरीक्षक विशाल पाटोळे यांच्यासह गुन्हे शोधच्या पथकाने तिघांना अटक केली आहेत.उर्वरीत दोघांचा शोध घेऊन त्यांना लवकरच अटक होईल असे तपासाधिकारी यांनी सांगितले.