प्रथम वर्ष बी.एड. छात्राध्यापक स्वागत समारंभ व द्वितीय वर्षातील गुणांकन प्राप्त छात्राध्यापकांना बक्षीस वितरण"कार्यक्रम संपन्न

प्रेस मीडिया लाईव्ह :

बाळासाहेब माने शिक्षण प्रसारक मंडळ अंबप संचालित कॉलेज ऑफ एज्युकेशन (बी.एड.) पेठ वडगाव येथे दि.२८ आक्टोंबर,२०२३, शनिवार रोजी महाविद्यालयामध्ये "प्रथम वर्ष बी.एड. छात्राध्यापक स्वागत समारंभ व द्वितीय वर्षातील गुणांकन प्राप्त छात्राध्यापकांना बक्षीस वितरण"कार्यक्रम आयोजित केला होता. या कार्यक्रमासाठी प्रमुख पाहुणे  सहा.प्रा.डॉ. नाईक टी.बी.(श्री महाराणी ताराबाई शासकीय अध्यापक महाविद्यालय, कोल्हापूर.) तसेच कार्यक्रमाच्या अध्यक्षस्थानी महाविद्यालयाच्या प्र. प्राचार्या डॉ.निर्मळे आर. एल.व ईतर मान्यवर उपस्थित होते. कार्यक्रमाचे सूत्रसंचालन छात्राध्यापिका आसमा शेख व ऐश्वर्या धामोडकर यांनी केले.

कार्यक्रमाचे प्रास्ताविक दिपाली गुरव या विध्यार्थ्यिनिने केले. त्यानंतर प्रतिमापूजन व मान्यवरांचे स्वागत व सत्कार करण्यात आला.महाविद्यालयातील द्वितीय वर्षातील विद्यार्थी ज्यांनी विद्यापीठ स्तरावरील बी.एड.  सेमिस्टर प्रथम व द्वितीय फायनल परीक्षेमध्ये विशेष प्राविण्य प्राप्त केले आहे अशा विद्यार्थ्यांचे  प्रशस्तीपत्र व भेटवस्तू देऊन सत्कार करण्यात आला. 

 प्रथम वर्षाच्या मुलांचे पाहुण्यांच्या हस्ते स्वागत करण्यात आले. त्यानंतर दिव्या माने व सारिका माने या विद्यार्थ्यीनींनी मनोगत व्यक्त केले.  प्रथमवर्ष बी.एड च्या सर्व विद्यार्थ्यांनी स्वतःची ओळख, आवड,बी.एडला प्रवेश घेण्याविषयीचे आपले मत व्यक्त केले. प्रमुख पाहुणे नाईक सर यांनी विद्यार्थ्यांचे स्वागत करून विद्यार्थ्यांना विशेष मार्गदर्शन केले. बीएड मधील सर्व कार्यवाही व अभ्यासक्रम याविषयी सुयोग्य मार्गदर्शन केले.  ‌अध्यक्षीय भाषणामध्ये महाविद्यालयाच्या प्राचार्या निर्मळे मॅडम यांनी छात्राध्यापकांना विशेष मार्गदर्शन केले. बी.एड. करत असताना कोणत्या पद्धतीने ज्ञान प्राप्त केले पाहिजे व त्याचा उपयोग सध्य परिस्थितीमध्ये व भविष्यात कसा होईल . त्यातून स्व- विकास कसा साधावा याची माहिती दिली. तसेच सर्व विद्यार्थ्यांना भविष्यातील वाटचालीसाठी शुभेच्छा दिल्या. 

त्यानंतर कार्यक्रमाचे आभार प्रदर्शन अंकिता निरुखे  या विध्यार्थ्यिनिने केले व कार्यक्रम संपन्न झाला.  या कार्यक्रमासाठी महाविद्यालयातील प्राध्यापक वर्ग  प्रा शिरतोडे , डॉ पवार ,प्रा सोरटे , प्रा सावंत , प्रा मुजावर , ग्रंथपाल चौगुले  व पाटील मॅडम शिक्षकेतर कर्मचारी व  B.Ed प्रथम व द्वितीय वर्षातील सर्व छात्राध्यापक व छात्राध्यापिका उपस्थित होते.