प्रेस मीडिया लाईव्ह :
मुरलीधर कांबळे :
कोल्हापूर- जागतिक वृत्तपत्र विक्रेता दिना निमित्त कोल्हापुर प्रेस क्लबच्या वतीने वृत्तपत्र विक्रेत्यांचा सन्मान करण्यात आला.प्रथम माजी राष्ट्रपती डॉ.ए .पी.जे.अब्दुल कलाम यांना अभिवादन करून त्यांच्या प्रतिमेस कोल्हापुर प्रेसचे अध्यक्ष शितल धनवडे ,समीर मुजावर आणि वृत्तपत्र विक्र्रेता संघटनेचे पदाधिकारी यांचे हस्ते पुष्पहार अर्पण करून या कार्यक्रमाचे प्रास्ताविक आणि स्वागत जेष्ठ पत्रकार समीर मुजावर यांनी केले.
प्रेस क्लबचे अध्यक्ष शितल धनवडे यांनी मनोगत व्यक्त करताना वृत्तपत्र विक्र्रेते हे थंडी ,ऊन,वारा ,पाऊस आणि नैसर्गिक संकटातही नियमीत दैनंदिन घडामोडीचा तिसरा डोळा आणि लोकशाहीचा चौथा स्तंभ म्हणून प्रसिद्ध असणारे वृत्तपत्र घरोघरी पोचविण्याचे काम अखंडपणे न थांबता आपल्या कुंटुबाच्या उदरनिर्वाहसाठी तुटपुंजा कमीशनवर काम करतो. यांच्या मुलांच्या आरोग्यासाठी ,शिक्षणासाठी उपक्रम हाती घेण्याचा विचार असल्याचे सांगितले. तसेच वृत्तपत्र विक्र्रेत्या संघटनेचे रघुनाथ कांबळे,किरण व्हणगुत्ते ,शंकर चेचर ,रंणजीत आयरेकर ,सतीश दिवटे , इंद्रजित पोवार यांनी आपल्या मनोगत व्यक्त करताना वृत्तपत्र विक्रेत्यांच्या अडचणी सांगून त्या आपल्या दोघांच्या माध्यमातुन सोडवण्याचे सांगून आम्हा वृत्तपत्र विक्र्रेत्यांचा जो सन्मान केला त्या बद्दल कोल्हापुर प्रेस क्लबचे आभार मानले.यावेळी पत्रकार संपत नरके ,फोटोग्राफर दिपक घाडगे यांच्यासह सुरेंद्र चौगुले ,सुरेश ब्रह्मपुरे ,धनंजय शिराळकर ,परशुराम सावंत,सागर रुईकर ,सौरभ लाड आणि मुरलीधर कांबळे हे वृत्तपत्र विक्रेते उपस्थित होते.