रुकडी येथील महात्मा गांधी विद्यालयाच्या वतीने अमृत महोत्सव निमित्त सीमेवरील जवानांना राखी भेट

 

प्रेस मीडिया लाईव्ह :

अतिग्रे प्रतिनिधी :  भरत शिंदे

    रयत शिक्षण संस्थेचे महात्मा गांधी माध्यमिक व उच्च माध्यमिक विद्यालय रूकडी यांच्या वतीने अमृत महोत्सवानिमित्त सीमेवरील जवानांना राखी भेट कार्यक्रम उत्साहात संपन्न झाला .

प्रस्ताविक श्री ए एम पाटील सर यांनी केले यावेळी उपस्थित अतिग्रे येथील माजी सैनिक हवालदार श्री नितीन पाटील हवालदार श्री तानाजी पाटील हवालदार श्री शेखर चौगुले या जवानांना महाविद्यालयातील विद्यार्थी आणि शिक्षिका यांनी राखी बांधून बंधुत्वाचे प्रेम साकार केले तसेच सीमेवर जय जवान आज आपल्या देश रक्षणासाठी अहोरात्र कष्ट करतात त्या जवानांना महाविद्यालयामार्फत पोस्टल द्वारे राखी देऊन बंधुत्व व आपुलकी जोपासले आहे आलेल्या प्रमुख पाहुण्यांचे माजी सैनिक यांचा सत्कार महाविद्यालयाचे प्राचार्य श्री मनोहर हजारे सर उपप्राचार्य श्री अर्जुन धोत्रे सर पर्यवेक्षक श्री मदन सूर्यवंशी सर यांनी गुलाब पुष्प व शाल श्रीफळ देऊन त्यांना सन्मानित करण्यात आले . 

यावेळी बोलताना माजी सैनिक हवालदार तानाजी पाटील यांनी विद्यार्थ्यांना सीमेवर कशा पद्धतीने काम केले जाते व देशाच्या रक्षण करणाऱ्यांच्या हातामध्ये तुमचे जे रक्षा बंधन बांधले जाणार त्यावेळेस त्या सैनिकाची जबाबदारी वाढत जाते व जवानांच्या मनामध्ये देशाची रक्षा करण्याची जिद्द वाढते प्रत्येक वर्षी देशाच्या रक्षण करणाऱ्या सीमेवरील जवानांना अशा अनेक राख्या येत असतात खऱ्या अर्थाने तुम्ही सर्वजण सैनिकांना मानसन्मान देता त्यांची स्तुती करता ते जीवाचे रान करून तळ हातावरती आपले प्राण घेऊन देशाचे रक्षण करतात पण खऱ्या अर्थाने त्यांची ती ताकद असते ती ताकद अशा कार्यक्रमाच्या माध्यमातून तुमच्या अशा रक्षाबंधनाच्या माध्यमातून तुमच्या शुभेच्छा या माध्यमातून होत असतात तुमच्या सर्वांचे मनापासून आभार व्यक्त करीत तानाजी पाटील यांनी आपले मनोगत व्यक्त केले यावेळी उपस्थित महाविद्यालयाचे प्राचार्य उपप्राचार्य प्रवेक्षक सर्व शिक्षक स्टाफ कर्मचारी व विद्यार्थी उपस्थित होते शेवटी आभार श्री पांडुरंग काळे सर यांनी मांडले