प्रेस मीडिया लाईव्ह :
इचलकरंजी शहरातील मुख्य रस्त्यावर,फूटपाथ वर तसेच अनेक वेगवेगळ्या ठिकाणी अतिक्रमण होत असल्याचे निदर्शनास आल्याने महानगर पालिकेचे आयुक्त तथा प्रशासक ओमप्रकाश दिवटे यांनीसदरची सर्व अतिक्रमणे काढणेचे आदेश महानगर पालिकेच्या अतिक्रमण विभागास दिले आहेत.
या आदेशानुसार महानगरपालिकेच्याअतिक्रमण विभागाच्या वतीने बुधवार दि.१२ जुलै पासुन अतिक्रमण निर्मूलन मोहीम राबविण्यात येत आहे. या अनुषंगाने बुधवारी शहरातील यशवंत प्रोसेस नजीकचा एक ढकलगाडा, सांगली नाका परिसरातील एक खोके, आय.जी.एम.हॉस्पिटल परिसरातील दोन ढकलगाडे अतिक्रमण निर्मूलन पथकाने जप्त केले. त्याचबरोबर दुकानदारांनी रस्त्यावर ठेवलेले बोर्ड जवळपास १६ लहान बोर्ड, २ मोठे डिजिटल बोर्ड सुद्धा जप्त केले.
स्वच्छ आणि सुंदर इचलकरंजी शहरासाठी तसेच विनाअडथळा वाहतुकीसाठी यापुढे संपूर्ण शहरात सातत्याने महानगर पालिकेची अतिक्रमण मोहीम तीव्रपणे राबविणेत येणार असल्याचा इशारा आयुक्त तथा प्रशासक ओमप्रकाश दिवटे यांचेकडून देणेत येत आहे.
या मोहिमेत प्रभारी अतिक्रमण विभाग प्रमुख सुभाष आवळे यांच्या नेतृत्त्वाखाली धोंडीराम जावळे,प्रकाश हेगडे,पिंटु कांबळे आदि कर्मचारी सहभागी होते.