प्रेस मीडिया लाईव्ह :
बाळासाहेब माने शिक्षण प्रसारक मंडळ अंबप, संचलित कॉलेज ऑफ एज्युकेशन (बी.एड्.) पेठ वडगाव येथे बी. एड्. प्रथम वर्षातील सेमीस्टर 2 मधील शालेय आंतरवासिता प्रात्यक्षिकांतर्गत गट क्रमांक तीन "जे.के.माळवे माध्यमिक विद्यालय, पेठ वडगाव" येथे पंधरा दिवसांची आंतरवासिता संपन्न झाली.
ही आंतरवासिता दिनांक 10/07/2023 पासून सुरू करण्यात आली होती. या आंतरवासितेदरम्यान छात्राध्यापकांनी अध्ययनाबरोबर वेगवेगळे उपक्रम राबविले. यामध्ये निबंध स्पर्धा, इंग्रजी शब्द पाठांतर, वृक्षारोपण, पाढे पाठांतर, परिसर स्वच्छता, काव्यवाचन, क्रीडा स्पर्धा,आरोग्य तपासणी यासारखे उपक्रम राबविले होते. सोमवार दिनांक 24/07/2023 रोजी आंतरवासितेचा सांगता समारंभ संपन्न झाला.कार्यक्रमासाठी प्रमुख पाहुणे प्र.प्राचार्या निर्मळे आर.एल. प्राचार्या कॉलेज ऑफ एज्युकेशन बी.एड्. पेठ वडगांव तसेच अध्यक्षस्थानी शाळेचे मुख्याध्यापक श्री.सी.जी.पाटील तसेच प्रमुख उपस्थितीमध्ये या.श्री.अभिषेक माळी ,एस.डी.संकपाळ व मार्गदर्शिका प्रा. शिरतोडे व्ही.एल. उपस्थित होते. इतर उपस्थितीमध्ये प्रा.सोरटे एस.के., प्रा.चरणकर जे.एस.,प्रा.सावंत ए. पी.विद्यालयाचे सर्व शिक्षक, शिक्षकेतर कर्मचारी, आंतरवासिता गटातील छात्राध्यापक,छात्राध्यापिका, विद्यार्थी, विद्यार्थिनी उपस्थित होते.
कार्यक्रमाचे प्रास्ताविक, पाहुण्यांचा परिचय छात्राध्यापिका रेश्मा पाटील यांनी केले. कार्यक्रमाचे सूत्रसंचालन छात्राध्यापिका कोमल नंदे व प्राजक्ता पाटील यांनी केले. त्या कार्यक्रमांतर्गत घेण्यात आलेल्या विविध स्पर्धांचे मान्यवरांच्या हस्ते बक्षीस वितरण करण्यात आले. शाळेतील विद्यार्थ्यांनी आपले मनोगत व्यक्त केले. त्याचप्रमाणे प्रमुख पाहुणे अध्यक्ष व प्रमुख उपस्थिती यांनी मोलाचे मार्गदर्शन केले. प्राचार्या निर्मळे मॅडम यांनी सर्व छात्राध्यापकांना मार्गदर्शन केले व शाळेचे आभार मानले. छात्रमुख्याध्यापिका पल्लवी कोरे यांनी आपले मनोगत व्यक्त केले. सी.जी. पाटील सर व पाटील मॅडम यांनी पंधरा दिवसाच्या कालावधीमध्ये छात्राध्यापकांनी केलेल्या विविध आणि विशेष कार्यक्रमांची व कार्यवाहीची माहिती दिली व सर्व छात्राध्यापकांचे कौतुक केले तसेच छत्राध्यापकांना प्लेसमेंटची ऑफरही दिली.मार्गदर्शिका प्रा.शिरतोडे मॅडमनी विद्यालयातील विद्यार्थ्यांना व छात्र अध्यापकांना मार्गदर्शन केले. छात्र अध्यापकांनी तेथील विद्यार्थ्यांना व सर्व स्टाफला अल्पोपहार दिला. स्पर्धेमध्ये गुणांकन प्राप्त विद्यार्थ्यांना आवश्यक साहित्याचे वाटप केले व शाळेसाठी ही उपयोगी भेट वस्तू दिली.छात्राध्यापिका पूजा खारकांडे यांनी आभार मानले. भेट दिलेल्या रोपांचे शाळेच्या परिसरातच रोपण करण्यात आले. अशाप्रकारे ही पंधरा दिवसांची आंतरवासिता अगदी व्यवस्थितरीत्या पार पडली.