प्रेस मीडिया लाईव्ह :
श्री बाळासाहेब माने शिक्षण प्रसारक मंडळ अंबप, संचलित कॉलेज ऑफ एज्युकेशन (बी.एड्.) पेठ वडगाव येथे बी. एड्. प्रथम वर्षातील सेमीस्टर 2 मधील शालेय आंतरवासिता प्रात्यक्षिकांतर्गत गट क्रमांक दोन "पृथ्वी माध्यमिक विद्यालय, वठार तर्फ वडगाव" येथे पंधरा दिवसांची आंतरवासिता संपन्न झाली.
ही आंतरवासिता दिनांक 10/07/2023 पासून सुरू करण्यात आली होती. या आंतरवासितेदरम्यान छात्राध्यापकांनी अध्ययनाबरोबर वेगवेगळे उपक्रम राबविले. यामध्ये निबंध स्पर्धा,प्रश्नमंजुषा, वृक्षारोपण, वक्तृत्व स्पर्धा, परिसर स्वच्छता, फनी गेम्स,पारंपारिक वेशभूषा स्पर्धा , आरोग्य तपासणी यासारखे उपक्रम राबविले होते. सोमवार दिनांक 24/07/2023 रोजी आंतरवासितेचा सांगता समारंभ संपन्न झाला.कार्यक्रमासाठी प्रमुख पाहुणे शरद शिक्षण संस्थेच्या सेक्रेटरी श्रीमती क्षीरसागर एस. एस. तसेच अध्यक्षस्थानी संस्थेचे उपाध्यक्ष श्री. शरद सांभारे तसेच प्रमुख उपस्थितीमध्ये महाविद्यालयाच्या प्र. प्राचार्या सौ. निर्मळे आर.एल. , प्रा. शिरतोडे व्ही.एल.,प्रा.सौ. सावंत ए. पी., पृथ्वी माध्यमिक विद्यालय,वठार तर्फ वडगाव चे मुख्याध्यापक श्री. चव्हाण यु.एल. उपस्थित होते. इतर उपस्थितीमध्ये प्रा.सोरटे एस.के., प्रा.चरणकर जे.एस.,विद्यालयाचे सर्व शिक्षक, शिक्षकेतर कर्मचारी, आंतरवासिता गटातील छात्राध्यापक,छात्राध्यापिका, विद्यार्थी, विद्यार्थिनी उपस्थित होते. या गटाची शालेय आंतरवासिता प्रात्यक्षिक प्राध्यापिका सावंत ए.पी. यांच्या मार्गदर्शनाखाली पार पडले.
कार्यक्रमाचे प्रास्ताविक, पाहुण्यांचा परिचय छात्राध्यापिका सुप्रिया किबिले यांनी केले. कार्यक्रमाचे सूत्रसंचालन छात्राध्यापिका सारिका माने व अमृता चौगुले यांनी केले. त्या कार्यक्रमांतर्गत घेण्यात आलेल्या विविध स्पर्धांचे मान्यवरांच्या हस्ते बक्षीस वितरण करण्यात आले. शाळेतील विद्यार्थ्यांनी आपले मनोगत व्यक्त केले. त्याचप्रमाणे प्रमुख पाहुणे अध्यक्ष व प्रमुख उपस्थिती यांनी मोलाचे मार्गदर्शन केले. शिक्षकी पेशात शिक्षक हा रोज काहीतरी नवीन अनुभव घेत असतो ,तो नव्याने शिकतच असतो असे क्षीरसागर मॅडम यांनी विद्यार्थ्यांना मार्गदर्शन केले.आंतरवासितेमधील अभिरूप छात्रमुख्याध्यापिका दिव्या माने यांनी आपले मनोगत व्यक्त केले तसेच छात्रउपमुख्याध्यापिका तेजश्री खाडे यांनी आपले मनोगत व्यक्त केले.कार्यक्रमाच्या शेवटी
छात्राध्यापिका आरती आंबी यांनी आभार मानले . अशाप्रकारे ही पंधरा दिवसांची आंतरवासिता अगदी व्यवस्थितरीत्या पार पडली.