महागाईने अगोदरच कंबरडे मोडलेल्या ग्राहकांवरील महागाईचा बोझा एक एप्रिल पासून आणखी वाढणार

प्रेस मीडिया लाईव्ह :

महागाईने अगोदरच कंबरडे मोडलेल्या ग्राहकांवरील महागाईचा बोझा एक एप्रिल पासून आणखी वाढणार आहे. अर्थ संकल्प 2022 मध्ये केलेल्या काही तरतुदींमुळे हा भार वाढणार आहे. उद्यापासून टीव्ही, एसी,  फ्रीजसह मोबाईल चालवणेही महागणार आहे.यंदाच्या अर्थसंकल्पात अनेक उत्पादनांवरील आयात शुल्कात वाढ केली होती, तर काहींवर ती कपात करण्यात आली होती. नवीन शुल्क 1 एप्रिलपासून लागू होणार आहे. त्यामुळे ज्या कच्च्या मालावर उत्पादन शुल्क वाढवण्यात आले. त्यांच्याशी संबंधित उत्पादनांच्या किंमती वाढणार असल्याचे मानले जात आहे.

सरकारने 1 एप्रिलपासून अ‍ॅल्युमिनियम धातूंवर 30 टक्के आयात शुल्क लागू केले आहे. याचा वापर टीव्ही, एसी आणि फ्रीजसाठी हार्डवेअर बनवण्यासाठी केला जातो. कच्च्या मालाच्या महागड्या  पुरवठ्यामुळे कंपन्यांचा उत्पादन खर्च वाढून त्याचा थेट बोझा ग्राहकांवर पडणार आहे. याशिवाय कंप्रेसरमध्ये वापरल्या जाणाऱ्या पार्ट्सवरही आयात शुल्क वाढले आहे, त्यामुळे रेफ्रिजरेटरच्या किंमती वाढणार आहेत.

LED बल्ब महागणार..

LED बल्ब बनवण्यासाठी वापरल्या जाणार्‍या सामग्रीवर मूलभूत सीमा शुल्कासह 6 टक्के प्रतिपूर्ती शुल्क आकारण्याचे सरकारने म्हटले आहे. एक एप्रिलपासून नवीन नियम लागू झाल्यानंतर एलईडी बल्बही महागणार expensive आहेत. सरकारने चांदीवरील आयात शुल्कातही बदल केला असून, त्यामुळे चांदीची भांडी आणि त्यापासून बनवलेली उत्पादनेही 1 एप्रिलनंतर महागणार आहेत. स्टीलच्या वस्तूंनाही महागाईचा फटका बसणार असून उद्यापासून स्टीलची भांडी महागणार आहेत.

मोबाईलच्या किंमती वाढू शकतात.

मोबाईल फोन बनवण्यासाठी वापरल्या जाणार्‍या प्रिंटेड सर्किट बोर्डवरही सरकारने कस्टम ड्युटी लावली आहे. म्हणजेच बाहेरून या उत्पादनांची आयात आता महाग होणार असून, त्याचा परिणाम कंपन्यांच्या उत्पादन खर्चावर होणार आहे. अमेरिकन फर्म ग्रँट थ्रॉन्टनच्या मते, सरकारच्या या निर्णयाचा थेट परिणाम ग्राहकांवर होणार असून मोबाईलच्या किंमती वाढू शकतात.

मोबाईल चालवण्याचा खर्चही नकळत वाढणार

आतापर्यंत ज्या टेलिकॉम कंपन्या त्यांच्या ग्राहकांना फ्री अनलिमिटेड डेटा आणि कॉलिंगची सुविधा देत होत्या. 31 मार्च रोजी ते या सेवा बंद करतील. अशा परिस्थितीत 4G मार्केटमधील वाढत्या स्पर्धेच्या पार्श्वभूमीवर अशा ग्राहकांना आता टॅरिफ प्लॅन निवडावा लागणार असून त्यांच्यावर मोबाईल चालवण्याचा खर्चही नकळत वाढणार आहे.

एक एप्रिल नंतर हेडफोन खरेदी करणे महागात पडणार 

अर्थसंकल्पात सरकारने वायरलेस इअरबड्समध्ये वापरल्या जाणाऱ्या काही उपकरणांवर आयात शुल्क वाढवले ​​आहे, ज्यामुळे त्यांचे उत्पादन महागणार expensive आहे. असे मानले जात आहे की, एप्रिलपासून वायरलेस इयरबड्स बनवणाऱ्या कंपन्याही त्यांच्या उत्पादनांच्या किंमती वाढवू शकतात. याशिवाय, प्रीमियम हेडफोन्सच्या आयातीवरही शुल्क वाढणार आहे, त्यामुळे 1 एप्रिल नंतर हेडफोन खरेदी करणे महागात पडणार आहे.

ही उत्पादने काहीशी  स्वस्त होऊ शकतात...

बजेटमध्ये स्मार्ट फोनशी संबंधित अनेक उत्पादनांवरील आयात शुल्कही कमी करण्यात आले आहे. यामध्ये मोबाईल चार्जर, ट्रान्सफॉर्मर, कॅमेरा लेन्स मॉड्यूल यासारख्या वस्तूंचा समावेश आहे. नवीन शुल्क लागू झाल्यानंतर संबंधित उत्पादनांच्या किंमती कमी होऊ शकतात. सरकारने स्मार्टवॉच आणि फिटनेस बँडच्या काही भागांवरील उत्पादन शुल्कही कमी केले आहे, त्यामुळे एप्रिल पासून ही उत्पादने काहीशी स्वस्त होऊ शकतात.