प्रेस मीडिया लाईव्ह.कॉम :
पुणे : जिलानी ( मुन्ना ) शेख :
पुणे | राज्यातील अनेक महापालिकांच्या निवडणुका जवळ आल्या आहेत. त्यामुळे प्रत्येक पक्ष कंबर कसताना दिसत आहे. अशात निवडणुका तोडांवर असताना शिवसेनेने राष्ट्रवादी काँग्रेसला अन् भाजपला झटका दिलाय.महानगरपालिकेच्या तोंडावर पुण्यात अनेकांनी भाजपला सोडचिठ्ठी देत शिवबंधन हाती बांधलं आहे. आदित्य ठाकरे यांच्या उपस्थितीत हे सर्व प्रवेश पार पडले आहेत. त्यामुळे आगामी निवडणुकीत शिवसेनेचे पारडं जड ठरणार आहे.
राष्ट्रवादीचे पुणे जिल्हा परिषद सदस्य शंकर मांडेकर, भाजपचे अमोल शिंदे, सरपंच, वातुंडे, सुखदेव मांडेकर, सरपंच, राष्ट्रवादी, गणेश मांडेकर, उपसरपंच, राष्ट्रवादी या साऱ्यांचा आदित्य ठाकरे यांच्या उपस्थितीत शिवसेनेत प्रवेश झाला आहे.यात चर्चेत राहिलेलं नाव म्हणजे अमोल शिंदे. वातुंडे, गावाचे सरपंच आहे. कारण त्यांच्या विरुद्ध विविध प्रकारचे गुन्हे दाखल होते. गुन्हेगारी टोळ्या आणि त्यांच्यातील टोळी युद्धाने मुळशी तालुका बदनाम झाला आहे.
दरम्यान, प्रत्येक पक्षाकडून महापालिका निवडणुकीची तयारी सुरु आहे. पण ही तयारी सुरु असताना महाविकास आघाडीतील घटक पक्षांचंच एकमेकांसोबत राजकीय युद्ध सुरुच असल्याचं चित्र आहे.