प्रेस मीडिया ऑनलाईन
पिंपरी चिंचवड प्रतिनिधी : पठाण एम एस
पिंपरी चिंचवड महापालिका शिक्षण मंडळाचे माजी सदस्य व शिवसेनेचे माजी जिल्हा प्रमुख गजानन चिंचवडे यांचे आज सकाळी साडेअकराच्या सुमारास हृदयविकाराने निधन झाले .त्यांचे वय ५२ होते. त्याच्या मागे पत्नी शिवसेना नगरसेविका अश्विनी चिंचवडे आणि दोन मुले असा परिवार आहे
आज सकाळी अंघोळीसाठी बाथरुमध्ये गेले असताना त्यांना ह्रदयविकाराचा झटका आला आणि ते कोसळून पडले . लोकमान्य रग्णालयात दाखल केले असता उपचारापूर्वीच त्यांचा मृत्यू झाल्याचे डॉक्टरांनी सांगितले . चिंचवडगाव येथील अत्यंत होतकरू कार्यकर्ते , अत्यंत मनमिळावू स्वभाव , सर्वांशी दांडगा संपर्क असलेले गजानन चिंचवड यांच्या अचानाक जाण्याची खबर येताच परिसरात हळहळ व्यक्त करण्यात येत आहे.
गजाजन चिंचवडे पूर्वी काँग्रेसमध्ये होते. काँग्रेसकडून तत्कालीन पीसीएमटीचे ते पाच वर्षे सदस्य होते. महापालिका शिक्षण मंडळावरही ते पाच वर्षे सदस्य होते. शिवसेनेचे मावळ लोकसभा मतदारसंघाचे जिल्हाप्रमुख म्हणून त्यांनी काम केले. खासदार श्रीरंग बारणे यांचे अत्यंत निष्ठावंत कार्यकर्ते अशी त्यांची ओळख होती . शिवसेनेत प्रवेश केल्यानंतर जिल्हा प्रमुख म्हणून मोठी जबाबदारी त्यांच्याकडे सोपविण्यात आली होती . महापालिकेच्या नवीन प्रभाग रचनेत चिंचवडगाव येथून निवडणूक लढविण्यासाठी त्यांची तयारी सुरू होती .