अल्पसंख्यांक मोर्चा कोकण विभागाची पनवेल मध्ये बैठक.
प्रेस मीडिया ऑनलाइन:
रायगड जिल्हा प्रमुख प्रतिनिधी : सुनील पाटील
भारतीय जनता पार्टीच्या कोकण विभागाच्या पदाधिकारी व कार्यकर्त्यांची विभागीय बैठक रविवार दिनांक ३० जानेवारी रोजी सकाळी ११ वाजता राष्ट्रीय अध्यक्ष हाजी जमाल सिद्दीकी यांच्या उपस्थितीत पनवेलमध्ये होणार असल्याची माहिती राज्य उपाध्यक्ष सय्यद अकबर यांनी दिली.
पनवेल तालुका व शहर भाजपच्या मध्यवर्ती कार्यालयात हि बैठक होणार आहे. या कार्यक्रमास प्रदेश अध्यक्ष हाजी एजाज देशमुख, सरचिटणीस अतिक खान, जुनैद खान उपस्थित राहणार आहेत.
कोकणात भारतीय जनता पार्टीचे पदाधिकाऱ्यांचे संघटन मोठ्या प्रमाणात आहे. केंद्रीय नेतृत्वाचे विचार घराघरात बिंबवले जात आहेत. कोकणात भविष्यातील अल्पसंख्यांक मोर्चाची कार्यपद्धती पक्षाच्या मूळ प्रवाहात अल्पसंख्यांक समाजाला सामावून घेण्याची रणनीती याबद्दल महत्वाचे मार्गदर्शन या बैठकीत होणार आहे. राष्ट्रीय,राज्यस्तरीय, कोकण व रायगड जिल्ह्यातील महत्वाचे पदाधिकारी सदर बैठकीस उपस्थित राहणार असल्याने या बैठकीबाबत अल्पसंख्यांक लोकांमध्ये मोठी उत्सुकता लागली आहे