प्रेस मीडिया वृत्तसेवा :
इचलकरंजी / प्रतिनिधी
येथील विश्वकर्मा पांचाळ सुतार समाजाच्या श्री कालिका देवालय ट्रस्ट व मिरजेतील लायन्स नँब नेत्र रुग्णालय यांच्या संयुक्त विद्यमाने कै.रायाप्पा सुतार यांच्या स्मरणार्थ मोफत नेत्र तपासणी व अल्पखर्चात शस्त्रक्रिया तसेच उदगांवच्याआचार्य श्री.तुलसी ब्लड बँकेच्या सहकार्याने रक्तदान शिबीर रविवार दि.१९ डिसेंबर रोजी आयोजित करण्यात आले आहे.
इचलकरंजी शहरातील विश्वकर्मा पांचाळ सुतार समाजाच्या श्री कालिका देवालय ट्रस्टच्या पुढाकाराने आणिविश्वकालिका ग्लोबल फौंडेशन व विश्वकालिका महिला मंडळ यांच्या सहकार्याने दरवर्षी धार्मिक कार्यक्रमांबरोबरच आरोग्य तपासणी शिबीर ,नैसर्गिक व मानवनिर्मित संकटकाळात गरजूंना गरजोपयोगी साहित्य वाटप ,गुणवंत विद्यार्थ्यांचा सत्कार यासह विविध सामाजिक उपक्रम राबवण्यात येतात. यंदाच्या वर्षी सामाजिक बांधिलकीच्या भावनेतून श्री कालिका ट्रस्ट व मिरजेतील लायन्स नँब नेत्र रुग्णालय यांच्या संयुक्त विद्यमाने आणि विश्वकालिका ग्लोबल फौंडेशन ,विश्वकालिका महिला मंडळ यांच्या सहकार्याने कै.रायाप्पा सुतार यांच्या स्मरणार्थ गावभागातील नरसोबा कट्टा जवळील श्री कालिका देवालय येथे रविवार दि.१९ डिसेंबर रोजी मोफत नेत्र तपासणी व शासकीय योजनेतून अल्प खर्चात शस्त्रक्रिया आणि आचार्य श्री तुलसी ब्लड बँक यांच्या सहकार्याने रक्तदान शिबीर आयोजित करण्यात आले आहे. तरी या शिबीराचा गरजूंनी लाभ घ्यावा ,असे आवाहन श्री कालिका देवालय ट्रस्टचे अध्यक्ष अर्जुन सुतार यांनी केले आहे. यावेळी ट्रस्टचे विश्वस्त प्रकाश सुतार यांच्यासह अन्य पदाधिकारी उपस्थित होते.