प्रेस मीडिया वृत्तसेवा : अनवरअली शेख :
पुणे : लावणी सम्राज्ञी सुरेखा पुणेकर यांनी राष्ट्रवादीत प्रवेश निश्चित केल्यानंतर प्रवीण दरेकर यांनी पुण्यात बोलताना असभ्य भाषेत टीका केली होती.त्यांनी राष्ट्रवादी काँग्रेस हा 'रंगलेल्या गालाचा' मुका घेणारा पक्ष असल्याची टीका केली होती. या टीकेवर राष्ट्रवादीने चांगलीच आक्रमक भूमिका घेतली आहे.
या पक्षाला गरीबांकडे पाहण्यासाठी वेळ नाही. सुभेदार, कारखानदार, बँका आणि उद्योगपतींचा हा पक्ष असल्याचीही टीका त्यांनी केली होती.रुपाली चाकणकर म्हणाल्या 'गेल्या दोन वर्षापासून भाजप महाराष्ट्रातील एकतेला आणि परंपरेला नख लावायचं काम करत आहे. सातत्याने महाराष्ट्राची बदनामी कशी करता येईल, याकडे त्यांच जास्त लक्ष आहे. वैयक्तिक स्वार्थासाठी अतिशय खालची राजकारणाची पातळी भाजपने गाठली आहे. प्रवीण दरेकर यांनी अतिशय अश्लिल असे विधान केलं. जाहीर सभेत बोलत असतांना महिलांना लज्जा निर्माण होईल, असे वक्तव्य दरेकर यांनी केलं आहे. दरेकर यांनी यावर माफी मागने अपेक्षीत होते. मात्र मी या गोष्टीला ऐवढं महत्व देत नाही, असे दरेकर म्हणाले होते. त्यामुळे या प्रकरणी मी तक्रार दिली आहे. कायद्याच्या चौकटीत राहून न्याय मिळेल, असा विश्वास आहे.'
लावणीसम्राज्ञी सुरेखा पुणेकर यांनी 16 सप्टेंबरला राष्ट्रवादी काँग्रेसमध्ये प्रवेश केला. त्यांच्या प्रवेशापुर्वी प्रवीण दरेकर यांनी टोला लगावला होता. राष्ट्रवादी काँग्रेस हा रंगलेल्या गालाचे मुके घेणारा पक्ष आहे, अशी टिप्पणी दरेकरांनी केली होती.