पुणे जिल्ह्यातील कोरोना हॉस्पिटलना भरोसा सेल ने भेट देऊन ग्रामीण पोलिसांचे डॉ .नीलम गोऱ्हे यांच्याकडून अभिनंदन

 दिनांक 24 एप्रिल 2021 - पुणें ग्रामीण पोलीस विभागाच्या वतीने गेल्या आठवड्यात डाॅ. नीलमताई गोर्हे , ऊपसभापती ,विधानपरिषद यांच्याकडुन कोविड महिला रूग्ण सुरक्षा यांवर मार्गदर्शक तत्व व प्रणाली काय आहे याची माहिती घेतली होती . 

नुकतीच पुणें जिल्हा पोलीस अधिक्षक श्री अभिनव देशमुख यांच्या मार्गदर्शनानुसार मोहिम घेण्यात आली*

पुणें जिल्ह्यातील दौंड उपविभाग अंतर्गत १३ कोविड केअर सेंटरना पुणे ग्रामीण पोलिसांच्या भरोसा पथकाने भेटी दिल्या.सदर केंद्रातील महिला रुग्ण,महिला डॉक्टर्स,नर्सेस, विलीनीकरण कक्ष,सुरक्षा रक्षक,सीसीटीव्ही कॅमेरे उपलब्धता,महिला सफाई कर्मचारी इत्यादी बाबींची आरोग्य विभागाच्या २३मार्च २०२१ च्या स्थायी आदेशानुसार तपासणी केली. तसेच महिला रुग्ण यांच्याबरोबर सुरक्षा अनुषंगाने चर्चा केली.तपासणी अंती आवश्यक त्या सुधारणा करण्याच्या सूचनाही दिल्या. सदर तपासणी पथकात पोलीस उपनिरीक्षक  देशमुख , कॉन्स्टेबल श्री गुंड ,श्री विरकर यांचा समावेश होता.

           

पुणे पोलिसांच्या या सक्रिय उपक्रमाबद्दल विधानपरिषदेच्या उपसभापती डॉ नीलम गोर्हे यांनी पुणे ग्रामीण पोलीस अधिक्षक श्री.अभिनव देशमुख व त्यांच्या टीममधील पोलिसांचे अभिनंदन केले असून, राज्यभरात याच पद्धतीने,स्थाई आदेशानुसार सर्व कोविड केअर सेंटरची तपासणी करावी असे पोलीस विभागास आवाहन केले आहे. याबाबत  डॉ गोऱ्हे यांनी श्री राजेश टोपे मंत्री सार्वजनिक आरोग्य यांच्याबरोबर  बैठकाही घेतल्या होत्या व त्यामध्ये डॉ गोऱ्हे यांनी दिलेल्या महिला सुरक्षा अनुषंगाने दिलेल्या निर्देशांचे पालन केले जाईल असे ही श्री टोपे यांनी आश्वस्त केले होते. त्यानुसार आरोग्य विभागाने सूचना निर्गमित केल्या बाबत डॉ गोऱ्हे यांनी आरोग्य मंत्रांचे आभार मानले. राज्यात सर्व जिल््यात व पोलीस आयुक्तालय हद्दीतील कोविड सेंटर्सना महिला पोलीस पथकाने भेटी देऊन सर्व सुरक्षेच्या दृष्टीने आवश्यक कार्यवाही करावी असे आवाहन ही डॉ गोऱ्हे यांनी केले आहे.

(सोबत मार्गदर्शक सुचना प्रत ) 

संपर्क: श्री प्रवीण सोनवणे :7972770533